كفر العرب
في وشها من اربع سنين لما قلتلها مقدرش اهرب معاكي. وهي دلوقتي بتردهالي.
من تاني يوم ابتدت حرب جديدة. حرب العناد.
بقيت كل يوم اروح اقف تحت شباكهم، اجيب لعب وشبسي وشيكولاتة لفريدة واسيبها قدام الباب. احاول اكلمها. وهي ولا كأني موجود. متردش على سلامي، ترد الباب في وشي، تبعتلي مع اختها الصغيرة تقولي حنان بتقولك روح شوف حالك.
لحد ما في يوم مسكتها وهي رايحة السوق الصبح بدري، كانت ماسكة فريدة في ايدها. وقفت قدامها وقفلت عليها السكة. الناس ابتدت تبص علينا.
قلتلها حنان.. استني.. انا رجعت عشانك.. عشان اصلح غلطتي.. انا عارف اني كنت عيل وجبان وسبتك في اكتر وقت كنتي محتاجاني فيه.. بس والله العظيم كل يوم في الغربة الاربع سنين كنت بموت من غيرك.. كل طوبة بنيتها كنت ببنيها عشانك.. اتجوزيني يا بنت عمي.. خليني اربي فريدة واعوضكم عن كل اللي فات.. انا لسه بحبك زي اول يوم واكتر.
بصتلي بقهرة سنين، وعنيها دمعت بس حبست دموعها، وقالتلي بصوت عالي عشان كل الناس اللي واقفة تتفرج تسمع
تعوض مين يا رامز؟ جاي بعد 4 سنين؟ بعد ما اتجوزت وخلفت واتبهدلت وانضربت واتعاير بفقر ابويا وجوزي مات وبقيت ارملة بعيال؟ جاي دلوقتي تاخد البواقي؟ انت فين
وسابتني ومشيت وهي شادة بنتها اللي بقت تعيط من صوت امها العالي.
الكلام ده هدني، بس مصمم اني مصلحش غلطتي الاولى بغلطة تانية واهرب. المرة دي هفضل.
ابتدت حرب الاستنزاف الحنينة. بقيت اعمل كل حاجة من غير ما اطلب منها حاجة. اروح الغيط بتاع عمي عبد الله اساعده من الفجر للمغرب من غير ما يطلب، اصلح له مكنة الري. ابعت كل يوم خضار وفاكهة ولحمة لدارهم مع امي. اصلح الحنفية البايظة عندهم من غير ما اخبط. وهي كل ما تشوفني تقولي بعناد احنا مش شحاتين يا رامز.. شيل حاجتك وامشي، احنا مستورين.
لحد ما جه اليوم اللي غير كل حاجة.
كنا في عز الليل، الساعة 2 بعد نص الليل، وانا سهران قدام دارنا بشرب شاي. لقيت حنان خارجة جري من دارهم شايلة فريدة اللي وشها احمر زي الطماطم وبتترعش وسخنة مولعة، وبتعيط وبتقول يا عمي عبد الله
فضلت طول الليل قاعد جنب السرير اللي نايمة عليه فريدة، وحنان قاعدة على الكرسي اللي جنبها بتعيط وايديها على وشها. انا كنت بجري اجيب دوا واجيب دكاترة وادفع فلوس. لحد الفجر لما الحرارة نزلت وفريدة فتحت عنيها وقالت ماما. ساعتها حنان بصتلي، اول مرة تبصلي من 4 شهور من غير قرف ولا عتاب. بصتلي وعنيها مليانة دموع وشكر وقالتلي بصوت واطي اول كلمة حنينة اسمعها منها من يوم ما سافرت
شكرا يا رامز.. شكرا يا ابن عمي.
الكلمة دي فتحت باب مقفول بقاله 4 سنين. كلمة ابن عمي رجعت تاني.
بعدها كل حاجة اتغيرت واحدة واحدة. بقيت فريدة هي الوسيط بيننا. البت اتعلقت بيا بطريقة غريبة وبقت كل ما تشوفني تجري عليا وتقولي بابا رامز جه.. بابا رامز جه. وحنان كل ما تسمع كلمة بابا دي تتوتر وتسكت بس متقدرش تزعق للبت عشان عارفة اني فعلا اللي لحقتها.
بقيت اخد فريدة اجيبلها شيكولاتة والعب معاها قدام دارهم، وحنان واقفة في البلكونة من بعيد بتبص علينا، ونفسها
وفي يوم، كنت قاعد في دارنا، لقيت الباب بيخبط. فتحت لقيت حنان واقفة قدامي. اول مرة من 4 سنين تدخل دارنا برجليها. كانت ماسكة فريدة في ايدها وماسكة عروسة لعبة مقطوعة في الايد التانية. وشها احمر ومكسوفة.
قالتلي وهي بتبص في الارض فريدة.. فريدة عروستها اتقطعت و.. وبتقول مفيش حد هيعرف يصلحها غير بابا رامز.
الكذبة كانت باينة اوي. فريدة كانت بتبص لمامتها وتضحك.
دخلتهم وقعدنا. صلحت العروسة وانا ايدي بتترعش. وبعدين فريدة نامت على الكنبة. ولاول مرة من سنين نقعد انا وهي لوحدنا نتكلم من غير خناق ولا صوت عالي ولا ناس بتتفرج.
قلتلها وحشتيني يا بنت عمي.
سكتت وعيطت. قالتلي وانت كمان.
قلتلها انا عارف اني وجعتك وكسرتك يوم ما قلتلك مش ههرب معاكي. بس انتي كمان يا حنان وافقتي بسرعة على سعفان عشان توجعيني، عشان تحسسيني انك تقدري تستغني عني. احنا الاتنين وجعنا بعض عشان كنا عيال.
قالتلي وهي بتمسح دموعها انا وافقت عشان كنت مجروحة منك اوي يا رامز. كنت عايزة احس اني لسه مرغوب فيا، اني مش تقيلة على حد. كنت فاكرة لما اوافق انت هتيجي زي الافلام تخطفني يوم الفرح وتقولي لا
