وهي مبسوطة مهند بقى يشوف التغيير ده ويستغرب مراته بتحلو كل يوم وهو مش عارف يقربلها تاني حاجة بقت تسمعه لما يرجع من الشغل مضغوط بسبب معاذ او بسبب مديره في الشغل كانت بتقعد قدامه وتسمعه للاخر من غير ما تقاطعه وتطبطب عليه وتقوله معلش بكرة احلى بقت هي صاحبه وامانه فبقى يحكي لها كل حاجة غصب عنه مهند في الاول كان لسه بيكلم لورين على خفيف بس كل مرة كان بيكلمها كان بيحس انه بيظلم بيان لان لورين كانت كل كلامها نكد وعتاب انت سبتني وانت بعتني وانت اتجوزت انما بيان كانت راحة وسكن في مرة مهند تعب جدا وجاله دور برد شديد وسخونية بيان فضلت سهرانة جنبه طول الليل بتعمله كمادات وبتديله دوا وبتقرأ له قرآن لحد ما نام ولما صحي لقاها نايمة على الارض جنب السرير وماسكة ايده ساعتها دموعه نزلت وقال جواه انا ازاي بعمل في البنت دي كده دي ملاك بعدها باسبوع كان عيد ميلاد مهند بيان عملتله مفاجأة كبيرة زينت الشقة كلها ورد وبلالين وعملت تورتة بايديها وعزمت سراج ومعاذ ونادين ومهند لما دخل اتصدم من المفاجأة لانه كان فاكر انها ناسية وفي نفس الوقت ده لورين بعتتله رسالة بتقوله فاكر النهاردة ذكرى ايه ذكرى اول مرة قلتلي بحبك مهند شاف الرسالة
وقفل الموبايل وحطه في جيبه مرضيش يرد لانه حس ان اللي قدامه اهم بكتير من ذكرى قديمة وبعدها بكام يوم كانوا قاعدين بيتفرجوا على فيلم سوا موبايل مهند رن لورين بتتصل بيان بصتله مهند المرة دي فتح الاسبيكر وقالها ايوه يا لورين خير قالت له عايزاك ضروري قالها بصي يا لورين انا هقولك كلمتين من الاخر انا بحترم العشرة اللي بيننا بس انا دلوقتي متجوز ومراتي دي ست الناس كلها وانا بحب مراتي ولو كنت اتجوزتها في الاول عشان انساكي فانا دلوقتي عايز انسى الدنيا كلها عشان افتكرها هي بس وياريت متتصليش بيا تاني وقفل السكة بيان كانت سامعة كل كلمة وقلبها بيدق بسرعة جدا وعينيها دمعت مهند بص لها وقالها انا اسف يا بيان انا كنت غبي وحمار كنت فاكر اني لما اتجوز هنسى بس انتي اللي نستيني انا مين اصلا انتي علمتيني يعني ايه حب حقيقي من غير مقابل كنتي بتكرميني وانا بوجعك وانا دلوقتي مش عايز غيرك في الدنيا تسمحي لي نبدأ من جديد كأننا لسه بنتعرف بيان ضحكت بدموع وقالت له موافقة بس بشرط تمسح كل حاجة ليها قدامي مهند مسك الموبايل ومسح رقم لورين وصورها وشاتها كله قدام عينيها وعملها بلوك وقالها من النهاردة مفيش في قلبي ولا في حياتي غير بيان وبس ومن يومها
وهم عايشين مبسوطين مهند بقى بيحب بيان اكتر من روحه وبقى بيغير عليها من الهوا وبيان بقت تشوف حبها في عنيه كل يوم وعرفت ان الست الذكية هي اللي تخلي جوزها يحبها حتى لو كان متجوزها عشان ينسى واحدة تانية تخليه ينسى الدنيا كلها عشانها هي وبدأت حياتهم تتغير واحدة واحدة مهند بقى يصحى بدري يعملها قهوة ويصحيها بكلمة بحبك يا بياني وبيان بقت تضحك من قلبها بجد مش بتمثل بقت تطبخ وهي بتغني ومهند بقى يساعدها في المطبخ ويهزر معاها وسراج لما شافهم مرة قال لبيان انا كنت قلقان عليكي بس دلوقتي اتطمنت انتي بقيتي ست قوية ومعاذ صاحب مهند بقى يقول لمهند يا بختك يا عم ببيان دي جوهرة ونادين كل ما تشوف بيان تقولها شفتي الذكاء بيعمل ايه انتي كسبتيه بدماغك مش بعياطك ولورين خلاص اختفت من حياتهم تماما ومهند مسح كل صورها وكل ذكرياتها وبدأ يكتب ذكريات جديدة مع بيان كل خروجة كل ضحكة كل حضن كان بيكتبها في قلبه وبيان في يوم لقت مهند كاتب لها جواب طويل حاطه على السرير بيقولها يا بياني يا ست قلبي انا عارف اني بدأت معاكي غلط وقلت كلمة عمري ما هسامح نفسي عليها بس انتي بذكائك وحنيتك خلتيني احبك حب عمري ما حبيته لحد انتي مش بس مراتي انتي بنتي وصاحبتي
وحبيبتي وام عيالي اللي جاية وبيان قرت الجواب وقعدت تعيط من الفرحة وحضنته وقالت له انا مسامحاك يا مهند من زمان من اول ما قررت اعلمك تحبني وانا دلوقتي شايفة نتيجة تعبي في عينك وعدى شهر واتنين وبيان حملت ومهند لما عرف الخبر طار من الفرحة وجاب مامتها وسراج ونادين ومعاذ وعمل حفلة صغيرة في البيت وكان بيبوس بطنها كل يوم ويقول للبيبي انا بحب ماما اوي وماما دي اجدع ست في الدنيا وبيان كانت حاسة انها اخيرا اخدت حقها من الدنيا وان الجملة اللي وجعتها زمان اتجوزت عشان انساكي اتحولت لجملة جديدة بيقولها مهند كل يوم قدام الناس انا اتجوزت عشان لقيت نفسي معاها والحياة علمتهم ان الحب مش كلام وبس الحب فعل واهتمام وسند وضحكة وقت الزعل وحضن وقت التعب ومهند بقى كل يوم يثبت لها انه اختارها هي وبس وان لورين بقت مجرد ذكرى قديمة ملهاش مكان وبيان بقت كل يوم تحمد ربنا انها مسابتش بيتها وانها حاربت عشان حبها وكسبت الحرب بذكائها وقلبها الابيض وعرفت ان اللي اتجوزها عشان ينسى واحدة تانية بقى دلوقتي مش قادر ينسى تفاصيلها هي وبيان ومهند عاشوا في سعادة وحب كبير وكل يوم حبهم بيزيد اكتر وبيان ومهند عاشوا في سعادة وحب كبير وكل يوم حبهم بيزيد اكتر
